PKK-ի սպառնալիքի պատճառով Իրանն իր բեռնատար ավտոմեքենաները Եվրոպա կուղարկի Ադրբեջանով
PKK-ի սպառնալիքի պատճառով պաշտոնական Թեհրանը որոնում է Եվրոպա տանող այլընտրանքային ճանապարհներ:
Իրանի սահմանային-անցակետի գլխավոր տնօրեն Մուհամմեդ Ջավադ Ատրիչիանիի խոսքով՝ Թուրքիան ի վիճակի չէ ապահովել Իրանին պատկանող բեռնատար ավտոմեքենաների անվտանգությունը:
Խոսելով Եվրոպա տանող ուղղությամբ այլընտրանքային ճանապարհների մասին՝ նա հայտնել է, որ բեռնատարները կարող են անցել Ադրբեջանի, Վրաստանի և Բուլղարիայի տարածքով, որտեղից էլ կուղևորվեն Եվրոպա:
«Այդ ճանապարհը երկար է, սակայն անվտանգ: Մեզ համար կարևոր է վարորդների անվտանգությունը»,- ասել է նա:
