Թեհրանում ահաբեկչություն է կանխվել
Իրանի ուժայինները երկրի մայրաքաղաք Թեհրանում ահաբեկչություն են կանխել, մի քանի մարդ ձերբակալվել է: Ակս մասին, ինչպես հայտնում է իրանական ISNA գործակալությունը, հայտարարել է Իրանի անվտանգության ազգային խորհրդի քարտուղար Ալի Շամխանին:
«Որտեղ էլ պատահի, ցանկացած կասկածելի գործողություն արագ նկատվելու է շնորհիվ մարդկանց և փորձառու կառույցների»,- նրա խոսքերը մեջբերում է գործակալությունը:
Շամխանին նշել է, որ ձերբակալությունները տեղի են ունեցել վերջին մի քանի օրում: Չարագործները պլանավորել են պայթյուններ իրականացնել Թեհրանում մուսուլմանների համար սրբազան Ռամադան ամսվա ժամանակ:
