Սիրիայում ռուս զինծառայող է սպանվել
Ռուսաստանի պաշտպանության նախարարությունը հաստատել է, որ Սիրիայում հակամարտող կողմերի հաշտեցման կենտրոնի մարդասիրական ավտոշարասյան պահպանման զինծառայող Անդրեյ Տիմոշենկովը զոհվել է Հոմս նահանգում, հայտնում է RIA Novosti-ն:
«Սերժանտ Անդրեյ Տիմոշենկովը կանգնեցրել է պայթուցիկով լի ավտոմեքենան՝ դրա վրա կրակ բացելով: Մահապարտի վարած մեքենայի պայթյունի հետևանքով Անդրեյը վիրավորվել է՝ ստանալով կյանքի հետ անհամատեղելի վիրավորում»,- ասվում է հաղորդագրության մեջ:
Գերատեսչությունում հավելել են, որ սերժանտը հետմահու առաջադրվել է պետական մրցանակի:
