Ամերիկայի գավաթ-2016. Վարգասի պոկերը օգնեց Չիլիին ջախջախել Մեքսիկային և դուրս գալ կիսաեզրափակիչ

Ամերիկայի գավաթի քառորդ եզրափակչում Չիլիի հավաքականը 7:0 հաշվով ջախջախեց Մեքսիկայի թիմին:

Առաջին խաղակեսում մեկական գնդակ մեքսիկացիների դարպասին խփեցին հարձակվող Էդսոն Պուչը և կիսապաշտպան Էդուարդո Վարգասը: Ընդմիջումից հետո աչքի ընկավ Ալեքսիս Սանչեսը, որից հետո ևս 3 գոլի հեղինակ դարձավ Էդուարդո Վարգասը:

Վերջնական հաշիվը 87-րդ րոպեին ձևակերպեց Էդսոն Պուչը:

Կիսաեզրափակչում չիլիացիների մրցակիցը կլինի Կոլումբիայի հավաքականը: Խաղը տեղի կունենա հունիսի 23-ին:

Ամերիկայի գավաթ

Մեքսիկա – Չիլի 0:7

Գոլեր.

Պուչ, 16 (0:1), Վարգաս, 44 (0:2), Սանչես, 49 (0:3), Վարգաս, 52, 57, 74 (0:6), Պուչ, 87 (0:7):

Պատրաստեց Անի Գաբուզյանը