«Երկրպագուն»՝ «WALTHER» ատրճանակով
Հունիսի 17-ին, ժամը 1.10-ին, ոստիկանության Երևան քաղաքի վարչության օպերատիվ կառավարման կենտրոն զանգահարած 25-ամյա աղջիկը հայտնել է, որ նախկինում գողություն կատարելու համար դատապարտված մեկը, որ իր քրոջ երկրպագուն է, գալիս է իրենց տուն և զենք ունի:
Ահազանգողի նշած հասցեն մեկնած օպերատիվ խումբը պարզել է, որ «երկրպագուն» 1989 թ. ծնված Նաիրի Գ.-ն է, ով ներկայացրել է «WALTHER» տիպի 4,5 մմ տ/չ օդամղիչ ատրճանակին նմանվող ատրճանակ՝ առանց գործարանային համարի:
Նշանակվել է դատաձգաբանական փորձաքննություն:
Կատարվում է հետաքննություն:
