Էրդողանի փեսան նշանակվել է Ադրբեջանի հետ միջկառավարական հանձնաժողովի համանախագահ
Թուրքիայի էներգետիկայի և բնական պաշարների նախարար Բերաթ Ալբայրաքը՝ Թուրքիայի նախագահ Ռեջեփ Թայիփ Էրդողանի փեսան, նշանակվել է տնտեսական հարցերով թուրք-ադրբեջանական միջկառավարական հանձնաժողովի համանախագահ, հայտնում է թուրքական Resmi Gazete թերթը:
Համապատասխան հրամանն ստորագրել է Թուրքիայի վարչապետ Բինալի Յըլդըրըմը:
Միաժամանակ, Բերաթ Ալբայրաքը թուրքական կողմից կգլխավորի Չինաստանի, Լիբիայի, Նիգերիայի, Ուգանդայի, Վենեսուելայի և Ալժիրի հետ համատեղ միջկառավարական հանձնաժողովները:
Ադրբեջանի հետ միջկառավարական հանձնաժողովի համանախագահը երկրի առաջին փոխվարչապետ Աբիդ Շարիֆովն է:
