Ադրբեջանի բանակը հունիսի 19-24-ը լայնամասշտաբ զորավարժություններ կանցկացնի
Haqqin.az պորտալը, հղում կատարելով Ադրբեջանի պաշտպանության նախարարության մամուլի ծառայությանը, տեղեկացնում է, որ համաձայն Ադրբեջանի զինված ուժերի նախապատրաստության պլանի, Ադրբեջանի բանակը հունիսի 19-24-ը օպերատիվ-տակտիկական զորավարժություններ կանցկացնի:
Զորավարժություններն անցկացվելու են Ադրբեջանի պաշտպանության նախարար Զաքիր Հասանովի գլխավորությամբ: Դրանցում ներգրավվելու է շուրջ 25 հազար զինծառայող, ավելի քան 300 միավոր տանկ և մարտական զրահապատ մեքենա, մինչև 40 միավոր ռազմական ավիացիա և ՀՕՊ ավելի քան 30 համակարգ, հատուկ նշանակության ջոկատներ և ռազմածովային ուժերի նավեր:
Զորավարժություններն անցկացվելու են սահմանամերձ գոտու զորավարժարաններում, Նախիջևանում և Կասպից ծովի ադրբեջանական հատվածում:
Պորտալի հաղորդմամբ՝ զորավարժությունների անցկացման հիմնական նպատակն է զորամիավորումների և զորքերի ղեկավարման հրամանատարական հմտությունների, դժվարին պայմաններում ժամանակակից մարտեր մղելու կարողության կատարելագործումը:
Նշվում է, որ զորավարժությունների համար հատկանշական լինելու է այն, որ դրանք անցկացվելու են նոր տեխնոլոգիական միջոցների և սպառազինությունների լայն կիրառմամբ:
