Ամերիկայի գավաթ-2016. ԱՄՆ-ը դուրս եկավ կիսաեզրափակիչ
Ամերիկայի գավաթի քառորդ եզրափակչում ԱՄՆ-ի հավաքականը հաղթեց Էկվադորի թիմին 2:1 հաշվով:
Խաղի 22-րդ րոպեին գոլի հեղինակ դարձավ ԱՄՆ հավաքականի հարձակվող Քլինտ Դեմփսին: Ընդմիջումից հետո 2 թիմերն էլ մնացին 10 հոգով. մրցավարը դաշտից հեռացրեց Լուիս Անտինիո Վալենսիային և Ջերմեյն Ջոնսին:
Հարձակվող Գյասի Զարդեն կրկնապատկեց խաղի հաշիվը 65-րդ րոպեին, որից հետո պատասխան գոլի հեղինակ դարձավ էկվադորցիների կիսապաշտպան Միքայել Արոյոն:
Կիսաեզրափակչում ամերիկացիները կխաղան կամ Արգենտինայի, կամ Վենեսուելայի հետ:
Պատրաստեց Անի Գաբուզյանը
