«Մտահոգիչ է հոգեհանգստի, հուղարկավորության արարողություններին երեխաներին կազմակերպված ձևով մասնակից դարձնելու փաստը». ՄԻՊ խոսնակ
«Մտահոգիչ է հոգեհանգստի, հուղարկավորության արարողություններին երեխաներին կազմակերպված ձևով մասնակից դարձնելու փաստը: Անթույլատրելի ենք համարում երեխաներին նման հոգեբանական ապրումներին դրդելը: Հուսով ենք, որ կարվի հնարավորը՝ հետայսու նման դեպքերը բացառելու ուղղությամբ»,- ասված է ՄԻՊ մամուլի քարտուղար Զոհրապ Եգանյանի տարածած հայտարարության մեջ:
Հիշեցնենք, որ երեկ Օպերայի և բալետի ազգային թատրոնի շենքում անվանի երգչուհի Օֆելյա Համբարձումյանի հոգեհանգստի արարողությանը մասնակցելու են տարել նաև երեխաների: Այդ լուսանկարներում երեխաները ահաբեկված են, ոմանք նույնիսկ լաց են լինում:
