Ռուսաստանի դեմ պատժամիջոցները երկարաձգվելու են. Տուսկ
Ռուսաստանի նկատմամբ պատժամիջոցները երկարաձգվելու են: Այս մասին հայտնել է Եվրոպական խորհրդի նախագահ Դոնալդ Տուսկը Ֆինլանդիայի վարչապետ Յուխա Սիպիլյայի հետ մամուլի ասուլիսին:
«Կարծում եմ, որ իրավիճակը հիմա պարզ է, ու ԵՄ դիրքորոշումն այնպիսին է, որ մենք պետք է Ռուսաստանի դեմ պատժամիջոցները կապենք Մինսկի պայմանավորվածությունների իրագործման հետ»,- ասել է նա:
«Վստահ եմ, որ մենք կերկարաձգենք պատժամիջոցները: Կարծում եմ՝ երկարաձգման մասին որոշումը կարող է կայացվել դեռևս մինչ Եվրամիության նիստը, այսինքն՝ ավելի ցածր մակարդակով»,- ասել է Տուսկը:
Նա հավելել է, որ «այսօրվա դրությամբ դա այնքան էլ հակասական հարց չէ»: Սիպիլյան, իր հերթին, նշել է, որ «արդեն հասկանալի է, որ պատժամիջոցները երկարաձգվելու են»:
