Անկարայի մետրոյում կարող են հայտնվել կանանց համար նախատեսված վագոններ
Անկարայի քաղաքապետ Մելիխ Գեկչեկը հարցում է անցկացրել Թուրքիայի մայրաքաղաքի կանանց շրջանում, թե արդյոք հարկավոր է մետրոյում ունենալ կանանց և տղամարդկանց համար նախատեսված առանձին վագոններ: Ինչպես գրում է թուրքական Milliyet թերթը, այդ գաղափարին հավանության է արժանացրել հարցվածների 52 տոկոսը:
Գեկչեկը համապատասխան հարցաթերթիկը տեղադրել էր Twitter-ի իր միկրոբլոգում: Հարցմանը մասնակցել է շուրջ 80 հազար մարդ:
«ճապոնիայում նման համակարգ գործում է, որը կոչված է կանանց մետրոյում ազատել ոտնձգություններից: Ի՞նչ կասեք, արդյո՞ք նման բան արժե փորձել Անկարայում»,- հարցրել էր թուրք քաղաքապետը իր հետևորդներին:
Թուրքիայի տրանսպորտում բավական սուր է դրված ոտնձգությունների հարցը: Բազմաթիվ կանայք բողոքում են ավտոբուսներում և մետրոյում տղամարդկանց անվայել պահվածքից:
Կանանց համար մետրոյի առանձին վագոններ ու ավտոբուսներ ունենալու հարցը ակտիվորեն քննարկվում է նաև Ստամբուլում, որը Թուրքիայի առավել խիտ բնակեցված քաղաքներից է:
