ԵԽԽՎ-ի՝ Ադրբեջանի հարցով համազեկուցողները ժամանել են Ադրբեջան
ԵԽԽՎ Մոնիթորինգային կոմիտեի՝ Ադրբեջանի հարցով համազեկուցողներ, ավստրիացի խորհրդարանական Ստեֆան Շեննաքն ու ռումինացի խորհրդարանական Սեզար Ֆլորին Պրեդան սկսել են իրենց այցն Ադրբեջան, հայտնում է Report-ը՝ վկայակոչելով ԵԽԽՎ մամուլի ծառայությանը:
Այցի ընթացքում համազեկուցողները հանդիպելու են Ադրբեջանի նախագահ Իլհամ Ալիևի, Միլի մեջլիսի նախագահ Օգթայ Ասադովի, Ադրբեջանի գլխավոր դատախազ Զաքիր Գարալովի, արդարադատության նախարար Ֆիքրեթ Մամեդովի, ԿԸՀ նախագահ Մազախիր Փանահովի հետ:
Հանդիպումներ են նախատեսված նաև քաղաքացիական հասարակության, արտախորհրդարանական կուսակցությունների ներկայացուցիչների հետ:
Շեննաքին և Պրեդային միանալու է նաև բելգիացի պատգամավոր Ալեն Դեստեխը: Զեկուցողների այցի հիմնական նպատակն է հետևել հունիսի 18-ին Աղդաշի ընտրական թիվ 90 շրջանում կրկնակի խորհրդարանական ընտրությունների ընթացքին:
Այցը կտևի հունիսի 15-17-ը:
