Նյու Յորքում վաճառքի են հանել Մերիլին Մոնրոյի փենթհաուսը
Նյու Յորքի պերճաշուք շրջաններից մեկում վաճառվում է այն շքեղ փենթհաուսը, որը 1960-ական թվականներին պատկանել է ամերիկացի դերասանուհի Մերիլին Մոնրոյին: Առաջարկի արժեքը կազմում է 5 մլն ֆունտ ստեռլինգ (7 մլն դոլար): Այս մասին հայտնել է բրիտանական Look պորտալը:
Բնակարանը գտնվում է Վերին Իսթ-Սայդում. այն ունի երկու ննջարան եւ երկու լոգասենյակ, պանորամային պատուհաններից բացվում է «Մեծ խնձորի» կենտրոնի տեսարանը: «Ջազում միայն աղջիկներ են» ֆիլմի աստղը՝ 20-րդ դարի գլխավոր սեքս-խորհրդանիշներից մեկը, այդ անշարժ գույքի սեփականատերն է եղել հինգ տարի:
