Յոզեֆ Բլատերը՝ անօրինական վիճակահանությունների մասին
ՖԻՖԱ-ի նախկին նախագահ Յոզեֆ Բլատերը նշել է, որ ինքը երբևէ մասնակցություն չի ունեցել պայմանավորված վիճակահանությունների: Բլատերը հայտնել է, որ ինքը գիտի միայն մեկ մարդու ով ֆուտբոլում ունեցել է այնպիսի իշխանություն, որ կարողացել է դիմել այդպիսի քայլի: Խոսքը Արտեմիո Ֆրանկիի մասին է, որը ժամանակին եղել է ՈւԵՖԱ-ի նախագահ:
«La Nacion»-ի փոխանցմամբ՝ Յոզեֆ Բլատերն ասել է. «Գոյություն ունի հատուկ եղանակ, որի միջոցով վիճակահանության մասնակիցները կարողանում են տարբերել զամբյուղում գտնվող գնդակները: Այդ գնդակները սառեցվում են հատուկ եղանակով և վիճակահանության ժամանակ ձեռքի ամենափոքր հպումն անգամ բավարար է դրանք տարբերակելու համար»:
Հիշեցնենք, որ 2015թ. դեկտեմբերի 21-ին ՖԻՖԱ-ի նախագահ Զեպ Բլատերը և ՈՒԵՖԱ-ի նախագահ Միշել Պլատինին 8 տարով որակազրկվել են ֆուտբոլային գործունեություն իրականացնելու իրավունքից:
