«Կավարտեմ կարիերաս, երբ հեռանա Ջանլուիջի Բուֆֆոնը». Իկեր Կասիլյաս

Իսպանիայի հավաքականի դարպասապահը պլանավորում է կազմակերպել հրաժեշտի կրկնակի խաղ:

«Երբ Բուֆֆոնն ավարտի կարիերան, ես նույնպես կհեռանամ: Նա վերջերս նոր պայմանագիր է ստորագրել: Ես ուրախ էի, որովհետև ես նույնպես կստորագրեմ նոր համաձայնագիր:

Երբ մենք հայտարարենք հեռանալու մասին, կանցկացնենք հրաժեշտի խաղ մեր ընկերների մասնակցությամբ»,- ըստ Goal.com-ի՝ ասել է Կասիլյասը:

Բուֆֆոնը մայիսին երկարաձգեց պայմանագիրը «Յուվենթուսի» հետ մինչև 2017-18 մրցաշրջանի ավարտը:

Կասիլյասն Իսպանիայի հավաքականի հետ պատրաստվում է Եվրո-2016-ի առաջին խաղին:

Հունիսի 13-ին իսպանացիները կխաղան Չեխիայի հետ:

Պատրաստեց Անի Գաբուզյանը