«Լիոնել Մեսսին լավ մարդ է, բայց անհատականություն չունի». Դիեգո Մարադոնա
Լեգենդար արգենտինացին մեղադրել է իր հետնորդին լիդերական որակներ չունենալու մեջ:
Դիեգո Մարադոնան և Պելեն հանդիպել են Փարիզում Եվրո-2016-ի մեկնարկին նվիրված ցուցադրական խաղին մասնակցելու համար: 2 լեգենդները հրապարակայնորեն ողջագուրվել են, հայտարարել են հին թշնամանքի ավարտի մասին, իսկ հետո զրուցել են իրար հետ տեսախցիկների առաջ: Զրույցի ժամանակ Պելեն հարցրել է Մարադոնայի կարծիքը Լիոնել Մեսսիի մասին:
«Մեսսին շատ լավ մարդ է, բայց անհատականություն չունի: Նրան շատ սուր ձևով չի բավարարում բնավորությունը, որպեսզի դառնա առաջնորդ»,- Մարադոնայի խոսքերն է մեջբերում Goal.com-ը:
Մեսսին Արգենտինայի հավաքականի հետ նվաճել է 2008թ. Օլիմպիական ոսկին, բայց պարտվել է Ամերիկայի գավաթի 2 եզրափակիչներում և 2014թ. Աշխարհի առաջնության վճռական խաղում:
Պատրաստեց Անի Գաբուզյանը
