Մերկելն ու Վրաստանի վարչապետը կքննարկեն Հարավային Կովկասին առնչվող հարցեր
Գերմանիայի կանցլեր Անգելա Մերկելը հունիսի 15-ին կհանդիպի Վրաստանի վարչապետ Գեորգի Կվիրիկաշվիլիի հետ, հայտնել է Գերմանիայի կառավարության պաշտոնական ներկայացուցիչ Շտեֆեն Զայբերտը: Այս մասին տեղեկացնում է «Գրուզիա օնլայնը»:
«Քննարկվելու են երկկողմ հարաբերություններին առնչվող հարցեր, Հարավային Կովկասում տիրող իրավիճակը և Վրաստանի ու Եվրամիության հարաբերությունները»,- ասել է Զայբերտը լրագրողներին:
Բանակցություններից հետո նախատեսված է հանդիպում լրագրողների հետ:
