Էրդողանը կիսատ է թողել ԱՄՆ այցն ու վերադարձել Թուրքիա
Թուրքիայի նախագահ Ռեջեփ Թայիփ Էրդողանը, ով մեկնել էր Միացյալ Նահանգներ հայտնի բռնցքամարտիկ Մուհամեդ Ալիին վերջին հրաժեշտը տալու համար, այցը կիսատ թողնելով վերադարձել է հայրենիք: Այս մասին տեղեկացնում է թուրքական «Հուրիեթ» պարբերականը:
Նշվում է, որ Ալիի հոգեհանգստի արարողության ժամանակ Էրդողանը ցանկացել է քիսուայի (իսլամական ծածկոց) մի մասը դնել դագաղի վրա, սակայն ստացել է «Մենք հետո կդնենք» պատասխանը, ինչը նա դժգոհությամբ է ընդունել: Բացի այդ, մերժվել է «Ղուրան» կարդալու իր և Կրոնական գործերի նախարար Մեհմեթ Գյորմեզի ցանկությունը:
Էրդողանը վերադարձել է Թուրքիա առանց Մուհամեդ Ալիի թաղման արարողությանը մասնակցելու:
