Լեհաստանի ԱԳՆ ղեկավարը Ռուսաստանին անվանել է «Եվրոպայի գլխացավանք»
Ռուսաստանը Եվրոպայի գլխացավն է: Նման հայտարարություն է արել Լեհաստանի արտգործնախարար Վիտոլդ Վաշչիկովսկին, հայտնում է Rzeczpospolita թերթը:
«Եվրոպական միությունը կորոշի՝ ինչպես հետագայում զարգացնի հարաբերությունները Ռուսաստանի հետ, քանի որ այն անցկացնում է բավական ագրեսիվ քաղաքականություն»,- ասել է լեհ նախարարը:
Նրա խոսքով՝ հուլիսին ԵՄ-ում սպասում են կարևոր իրադարձություններ: «Վարշավայում տեղի կունենա ՆԱՏՕ-ի գագաթաժողովը, որտեղ կկայացվեն որոշումներ Եվրոպայի և ՆԱՏՕ-ի հուսալի պատասխանների վերաբերյալ այն սպառնալիքներին, որոնք առաջանում են արևելքից, ինչպես նաև հարավից»,- պարբերականը մեջբերում է նրա խոսքերը:
