«Ռուսաստանի կողմից Հայաստանին զենք վաճառելը ալերգիա չի հարուցում մեր երկրի մոտ.» Ալիև
Ադրբեջանի նախագահ Իլհամ Ալիևը Գերմանիայի կանցլեր Անգելա Մերկելի հետ համատեղ մամուլի ասուլիսի ժամանակ հայտարարել է, որ Ադրբեջանը Ռուսաստանը հետ ունի լավ, կառուցողական հարաբերություններ անվտանգության, տրանսպորտային ու առևտրային ոլորտներում: Այս մասին հայտնում է APA-ն:
«Մենք Ռուսաստանին համարում ենք ռազմավարական գործընկեր: Ռուսաստանը նույն կերպ է վերաբերվում Ադրբեջանին: Ռուսաստանի կողմից Հայաստանին զենք վաճառելը ալերգիա չի հարուցում մեր երկրի մոտ, սակայն դա ալերգիա է առաջացնում Հայաստանի մոտ»,- ասել է Ալիևը:
Ադրբեջանի նախագահն ասել է, որ ի տարբերություն Հայաստանի, Ադրբեջանը վճարում է ձեռք բերած զենքի համար: «Ադրբեջանը զենք է ձեռք բերում ոչ միայն Ռուսաստանից, այլև Թուրքիայից, Իսրայելից, Բելառուսից, Իրանից, քանի որ մենք պետք է արդիականացնենք մեր զինված ուժերը: Պետությունը, որի տարածքի մի մասն օկուպացված է ու գտնվում է բարդ աշխարհաքաղաքական կոնֆիգուրացիայում, պետք է դա անի:
Ռուսաստանը ԵԱՀԿ Մինսկի խմբի համանախագահող երկրներից է: Հուսով ենք, որ Ռուսաստանը, Ֆրանսիան և ԱՄՆ-ը, օգտագործելով իրենց ողջ պոտենցյալը, կհամոզեն Հայաստանին լքել իրեն չպատկանող հողերը»,- հայտարարել է Ալիևը:
