Հայերն ու ադրբեջանցիները միասին ակցիա են անցկացնում Մերկելի նստավայրի մոտ՝ ԼՂ-ի դրոշով
Եվրոպաբնակ ադրբեջանցիները հայերի խմբի հետ միասին ակցիա են անցկացնում Գերմանիայի կանցլեր Անգելա Մերկելի նստավայրի հարևանությամբ, գրում է haqqin.az-ը:
Նստավայրում պետք է տեղի ունենա հանդիպում Գերմանիայի կանցլերի և Ադրբեջանի նախագահ Իլհամ Ալիևի միջև:
Spiegel-ի տեղեկություններով՝ հանդիպման քննարկման հիմնական թեման լինելու է Լեռնային Ղարաբաղի հակամարտության շուրջ ստեղծված իրավիճակը:
Մինչ հանդիպումը մի խումբ հայեր Լեռնային Ղարաբաղի Հանրապետության դրոշով ցույց են անցկացրել Մերկելի նստավայրի մոտ, որին մասնակցում են նաև ադրբեջանցիներ, այդ թվում՝ նաև քաղաքական ներգաղթյալներ Խաբիբ Մունտազիրն ու Էլմար Միրզոևը:
