«Արգենտինայի հավաքականն արդարացի հաղթանակ տարավ». Խերարդո Մարտինո
Արգենտինայի հավաքականի գլխավոր մարզիչ Խերարդո Մարտինոն գոհ է մնացել Ամերիկայի գավաթի խաղարկությունում իր թիմի մեկնարկից: Մրցաշարի խմբային փուլի առաջին խաղում «ալբիսելեստեն» 2:1 հաշվով հաղթեց Չիլիի ազգային թիմին:
«Մենք ամբողջովին տիրում էինք դրությանն այս խաղում՝ ի տարբերություն չիլիացիների հետ նախկին հանդիպումների: Ինձ դուր եկան մեր թիմի գործողություններն ամբողջ խաղի ընթացքում, եթե հաշվի չառնենք մի քանի բացթողումներ: 2-րդ գոլից հետո մենք շարունակեցինք մանրակրկիտ աշխատանքը դաշտում և տարանք արդարացի հաղթանակ»,- Մարտինոյի խոսքերն է մեջբերում Goal ինտերնետ-պորտալը:
Պատրաստեց Անի Գաբուզյանը
