Ինդոնեզիայում ուղղաթիռ է ընկել. օդաչուն մահացել է
Ինդոնեզիայի արևելքում ուղղաթիռ է ընկել, ինչի հետևանքով օդաչուն մահացել է: Lenta.ru-ի փոխանցմամբ՝ դեպքը տեղի է ունեցել Պապուա նահանգում:
Ուղղաթիռի երեք ուղևորները ողջ են մնացել, սակայն ծայրահեղ վիճակում են: «Մենք ուղևորներին տեղափոխել ենք մոտակա քաղաք` Նաբիրե, որպեսզի նրանց բժշկական օգնություն ցուցաբերվի»,- հայտնել է ինդոնեզիական ոստիկանության ներկայացուցիչը:
Ուղղաթիռի ընկնելու պատճառները դեռևս հայտնի չեն: Դեպքի վայրում եղանակային պայմանները բարենպաստ են եղել:
