Մերուժանը երկու ամսից պետք է ամուսնանար…Ապրիլյան պատերազմում զոհված հերոսի հիշատակին նվիրված ցայտաղբյուր է բացվել
Tsayg.am. Գյումրեցի ավագ լեյտենանտ Մերուժան Ստեփանյանն ապրիլյան քառօրյա պատերազմում մահացու վիրավորում ստացած հերոսներից մեկն է: Մերուժանը երկու ամսից պետք է ամուսնանար, հարսնացուն Շուշիից էր: Գյումրու նորակառույց Մուշ 2 թաղամասում, որտեղ բնակվում էր մերօրյա հերոսը, երեկ բացվել է ցայտաղբյուր, որին ներկա էին հարազատները, ընկերները, ինչպես նաև մարզային ու քաղաքային իշխանությունները: Թիվ 42 ավագ դպրոցի աշակերտական խորհուրդը, որտեղ սովորել է ազգի նվիրյալ զավակը, իրենց խոնարհումն են բերել քաջորդու հիշատակին: Ցայտաղբյուրի բացման պատիվը ընձեռնվել է Մերուժանի ընկերներին, իսկ հուշատախտակի բացման պատիվը` ծնողներին: Այնուհետ Տեր Հակոբ քահանա Գրիգորյանի ձեռամբ օրհնվել է ցայտաղբյուրը:
