Կրեմլում մեկնաբանել են Գերմանիայի կողմից հայերի ցեղասպանության ճանաչումը
Ռուսաստանի նախագահի մամուլի քարտուղար Դմիտրի Պեսկովը Գերմանիայի ներքին գործն Է համարել այն փաստը, որ այդ երկիրը ճանաչել է 1915 թվականին Օսմանյան կայսրությունում հայերի ցեղասպանությունը: Այդ մասին Կրեմլի ներկայացուցիչը հայտնել է Life.ru-ին:
Հունիսի 2-ին ավելի վաղ Գերմանիայի Բունդեսթագի պատգամավորները բանաձեւ են ընդունել, որի համաձայն՝ 1915 թվականին Օսմանյան կայսրությունում հայերի կոտորածները ճանաչվել են ցեղասպանություն:
