Ադրբեջանում հաց և շաքար գողանալու համար ձերբակալվել են 10-12 տարեկան երեխաներ
Ադրբեջանում 10-12 տարեկան մի քանի երեխաներ ձերբակալվել են Բիլասուվարի շրջանում մի խանութից հաց եւ շաքար գողանալու համար:
Այս մասին AzNews.az կայքին հայտնել է Ջալիլաբադի շրջանի ոստիկանության բաժնի հանցագործների որոնման բաժանքունքի ղեկավար Նաբի Ջաֆարովը` նշելով, որ երեխաները փորձել են գողոնը վաճառել Ջալիլաբադի «Իրանական շուկա» կոչված վայրում:
Երեխաները խոստովանել են հանցագործությունը: Նրանք ոստիկաններին ցույց են տվել, թե ինչպես են գողացել հացն ու շաքարը:
Նաբի Ջաֆարովն ասել է, որ ներկայում Բիլասուվարի ոստիկանության բաժնում քրեական գործ է բացվել եւ հետաքննություն է տարվում:
