Բրյուսելի օդանավակայանում լիովին վերականգնել են ուղևորների գրանցումը
Բրյուսելի միջազգային օդանավակայանի մեկնաթռիչքի սրահում հունիսի 2-ին ուղեւորների գրանցումը լիովին վերականգնվել է՝ ահաբեկչական գործողություններից գրեթե 2,5 ամիս անց:
Ինչպես ՌԻԱ Նովոստին հայտնել են ավիատերմինալի մամուլի ծառայությունում, գրանցումը կատարվում է նույն այն ռեժիմով, ինչ որ մինչեւ մարտի 22-ի ահաբեկչական գործողությունները. մեկնաթռիչքի սրահում աշխատանքը վերսկսել են 21 ավիաընկերություններ:
Հունիսի 2-ից Բրյուսելի միջազգային օդանավակայանն օրական կընդունի 60 – 70 հազար ուղեւոր: Մեկնող չվերթների թիվը ժամում 22-ից ավելացվել է մինչեւ 28:
Մարտի 22-ի առավոտյան երկու պայթյուն է որոտացել Բրյուսելի միջազգային օդանավակայանում: Երրորդ պայթյունը տեղի է ունեցել փքր-ինչ ավելի ուշ մետրոյի «Մալբեկ» կայարանում՝ գնացքի վագոնում: Ահաբեկչական գործողությունների հետեւանով զոհվել Է 32 մարդ, ավելի քան 300 հոգի տարբեր աստիճանի ծանրության վերքեր են ստացել: Գրոհի պատասխանատվությունն ստանձնել Է «Իսլամական պետություն» ահաբեկչական խմբավորումը:
