Կառավարությունը հավանություն տվեց Իրանի հետ առանց մուտքի վիզայի կիրառման համաձայնագրին
ՀՀ կառավարությունն այսօրվա նիստի ընթացքում հավանություն տվեց Հայաստանի և Իրանի կառավարությունների միջև համաձայնագրի կնքմանը, որով քաղաքացիները փոխադարձ այցելությունների իրավունք կստանան առանց մուտքի արտոնագրի:
ՀՀ արտաքին գործերի նախարարի տեղակալ Շավարշ Քոչարյանն ասաց, որ քաղաքացիները կարող են գտնվել միմյանց պետությունների տարածքում` առավելագույնը 90 օր ժամկետով` 180 օրվա ընթացքում:
Ըստ նրա՝ դա կնպաստի կապերի ամրապնդմանը թե մշակութային, թե տնտեսական, թե զբոսաշրջության ոլորտում:
