Հայոց ցեղասպանության ճանաչումը չպետք է վատացնի Թուրքիայի հետ հարաբերությունները. Գերմանիայի ԱԳՆ
Գերմանիայի Բունդեսթագի կողմից Հայոց ցեղասպանության մասին բանաձեւի հնարավոր ընդունումը չպետք է հանգեցնի Թուրքիայի հետ հարաբերությունների երկարաժամկետ վատացման: Այս մասին այսօր Բեռլինում կայացած ճեպազրույցի ժամանակ հայտարարել է Գերմանիայի արտաքին գործերի նախարարության պաշտոնական ներկայացուցիչ Մարտին Շեֆերը:
«Կարող եմ ասել, որ ես ակնկալում եմ եւ հուսով եմ, որ որոշումները, որոնք, հնարավոր է, վաղը կընդունվեն Գերմանիայի Բունդեսթագի կողմից, չեն հանգեցնի Թուրքիայի հետ հարաբերությունների երկարաժամկետ վատացման», ասել է նա:
Հիշեցնենք, որ Գերմանիայի Բունդեսթագում Հայոց ցեղասպանության մասին բանաձևի նախագիծը կքննարկվի վաղը՝ հունիսի 2-ին: Բանաձևն ունի «1915 և 1916 թվականներին հայերի և մյուս քրիստոնյա փոքրամասնությունների ցեղասպանության և գիշատակի մասին» անվանումը:
