EgyptAir-ի աղետից հետո Airbus-ն առաջարկում է ինքնանետվող «սև արկղեր» օգտագործել
Airbus ընկերությունն առաջարկել է օգագործել «սեւ ակղեր», որոնք կարող են աղետի դեպքում ինքնանետվել ինքնաթիռից՝ վերացնելով դժվարին որոնումների անհրաժեշտությունը: Այս մասին հայտնել է Reuters գործակալությունը՝ վկայակոչելով ընկերության գլխավոր ինժեներին:
Գործակալության տվյալներով՝ Airbus-ում նշում են, որ մայիսի 19-ին Միջերկրական ծովում Եգիպտոսի EgyptAir ընկերության հանրանավի կործանումը եւս մեկ փաստարկ է ինքնաթիռների այս տիպի ինքնագրիչների օգտին:
«Եթե մենք ինքնանետվող «սեւ արկղեր» ունենայինք, շատ ավելի հեշտ կլիներ դրանք գտնելը»,- ըստ գործակալության՝ ասել է ընկերության ինժեներական ապահովման գծով փոխնախագահ՝ հավելելով, որ Airbus-ն արդեն աշխատում է դրա վրա:
Ինչպես նշում է գործակալությունը, ինքնանետվող «սեւ արկղերն» աղետի դեպքում կանջատվեն ինքնաթիռի պոչամասից եւ կմնան ջրի մակերեւույթին՝ տալով աղետի ազդանշան, հաղորդել է ՏԱՍՍ-ը:
