Հանրապետության հրապարակի շատրվանների տակ մտած անձը Իրանի հայազգի քաղաքացի է
Երևանի Հանրապետության հրապարակի շատրվանների տակ մտած անձը Իրանի Իսլամական Հանրապետության հայազգի քաղաքացի է` 1962 թ. ծնված Ա. Ա.-ն: Նրան տեղափոխել են հոգեբուժարան: Այս մասին տեղեկացնում է ՀՀ արտակարգ իրավիճակների նախարարությունը:
Մայիսի 17-ին, ժամը 12.43-ին տեղեկություն է ստացվել, որ Երևանի Հանրապետության հրապարակում քաղաքացին մտել է շատրվանների տակ և հրաժարվում է դուրս գալ. անհրաժեշտ է փրկարարների օգնությունը: Դեպքի վայր են մեկնել ճգնաժամային կառավարման ազգային կենտրոնի օպերատիվ խումբը և հատուկ նշանակության փրկարարական աշխատանքներ իրականացնող կենտրոնի փրկարարական ջոկատը: Փրկարարները ճգն աժամային կառավարման ազգային կենտրոնի հոգեբանական խորհրդատվական գծով հրահանգչի և ոստիկանների հետ համատեղ շատրվանների ավազանից դուրս են բերել նրան և տեղափոխել հոգեբուժարան:
