Հայաստանում գտնվող ռուսաստանցի 15 զբոսաշրջային օպերատորները հանդիպել են զբոսաշրջության վարչության պետի հետ
Ապրիլի 28-ին ՀՀ էկոնոմիկայի նախարարությունում տեղի է ունեցել աշխատանքային հանդիպում-քննարկում Ռուսաստանի Դաշնությունից (Վորոնեժից, Կուրսկից և Լիպեցկից) ճանաչողական այցով ապրիլի 21-ից Հայաստանում գտնվող 15 զբոսաշրջային օպերատորների հետ:
Հանդիպման ընթացքում ՀՀ էկոնոմիկայի նախարարության Զբոսաշրջության վարչության պետ Մեխակ Ապրեսյանը ներկայացրել է զբոսաշրջության ոլորտի պետական քաղաքականությունը:
Հյուրերը կիսվել են Հայաստանի վերաբերյալ իրենց տպավորություններով, բարձր գնահատել Հայաստանը որպես զբոսաշրջային երկիր և համոզմունք հայտնել, որ առավելագույն ջանքեր կգործադրեն դեպի Հայաստան զբոսաշրջային այցելություններն ակտիվացնելու ուղղությամբ:
Քննարկվել են հետագա համագործակցության զարգացմանը վերաբերող հարցեր:
