«Իր հայրենիք Հայաստանում Մխիթարյանը, երկար ժամանակ է, համարվում է ազգի հերոս». Bundesliga.de
Bundesliga.de-ն անդրադարձել Հայաստանի հավաքականի և Դորտմունդի «Բորուսիայի» ֆուտբոլիստ Հենրիխ Մխիթարյանին:
Կայքը գրում է, որ Մխիթարյանը ֆանտաստիկ մրցաշրջան է անցկացնում «Բորուսիայի» կազմում: Այս մրցաշրջանը լավագույնն է Մխիթարյանի համար:
«Իր հայրենիք Հայաստանում Մխիթարյանը, երկար ժամանակ է, համարվում է ազգի հերոս:
Բունդեսլիգայի վերջին տուրում Հենրիխ Մխիթարյանն անցկացրեց իր լավագույն հանդիպումներից մեկը: Մխիթարյանն ունեցավ դերակատարում բոլոր 3 գոլերում»,- գրում է կայքը:
Շաբաթ օրը «Բորուսիան» կհյուրընկալի «Վոլֆսբուրգին»: Թիմերի միջև տեղի ունեցած առաջին խաղում Մխիթարյանը մասնակցություն է ունեցել դորտմունդցիների 2 գոլերում էլ:
Սիրարփի Աղաբաբյան
