Մամեդյարովն ու Ասկերովը Բաքվում զվարճանում էին Ռամազոտիի համերգին, մինչ ռմբակոծվում էր Թարթառը. ադրբեջանական ԶԼՄ-ներ
Երեկ Բաքվում կայացել է իտալացի հայտնի երգիչ Էրոս Ռամազոտիի համերգը: Ադրբեջանական minval.az կայքի հաղորդմամբ՝ Crystal hall մարզահամերգային համալիրում կայացած համերգին մասնակցել են նաև պաշտոնյաներ:
Նրանց թվում է եղել Ադրբեջանի արտգործնախարար Էլմար Մամեդյարովն ու ադրբեջանական AZAL ավիաուղիների նախագահ Ջահանգիր Ասկերովը:
Կայքը գրում է, որ սոցցանցերում քննադատության է արժանացել այն փաստը, որ Ղարաբաղյան հակամարտության գոտում հայկական ԶՈՒ-ի ինտենսիվ հրետակոծության ժամանակ երկրի արտգործնախարարը, որը պետք է ապահովի պատերազմի պայմաններում արտաքին գերատեսչության օպերատիվ աշխատանքը, զվարճացել է համերգին:
