Որ նայում եք, չե՞ք տեսնում, որ տենց պայթյուն չէր կարող լինել դիզվառելիքից. ավտոբուսի սեփականատեր. Yerkir.am
Այսօր Հալաբյան փողոցում ժամը 21.51-ին ահազանգ է ստացվել, որ Երևանի Հալաբյան փողոցի թիվ 11 շենքի մոտ ավտոբուսում տեղի է ունեցել պայթյուն, կան տուժածներ՝ մեկ զոհ, 7 վիրավոր. անհրաժեշտ է օգնություն: Ավտոբուսը սպասարկել է 63 համարի երթուղին: Պարզվում է, ավտոբուսը պատկանել է «Քինգ Դելյուքս» ընկերությանը:
Ընկերության տնօրեն Արթուր Հարությունյանը Yerkir.am-ի հետ զրույցում հայտնել է, որ ավտոբուսը եղել է սարքին, այն աշխատել է դիզվառելիքով:
«Որ նայում եք, չե՞ք տեսնում, որ տենց պայթյուն չէր կարող լինել դիզվառելիքից…անմեղ մարդիկ տուժեցին…»,- անորոշ ասել է Հարությունյանը և հորդորել է սպասել մինչև կլինի մասնագետների կարծիքը: Ի դեպ, նա շարունակ հորդորում էլ լինել դեպքի վայրում, որտեղ ամեն ինչ «պարզ երևում է»:
