«Մենամարտել Անգլիայու՞մ. դա ինձ ավելի շատ է մոտիվացնում». Վլադիմիր Կլիչկո
Ուկրաինացի գերծանր քաշային Վլադիմիր Կլիչկոն խոստովանել է, որ Թայսոն Ֆյուրիի հետ ռևանշի անցկացումը հակառակորդի տարածքում իրեն լրացուցիչ մոտիվացիա է տալիս:
«Ես չեմ անհանգստանում այն բանից, որ պետք է մենամարտեմ Անգլիայում: Եթե արենան ինձ դեմ է, ապա դա ավելի շատ է մոտիվացնում ինձ: Ինչքան թեժ է մթնոլորտը, այնքան ավելի լավ: Դա հրահրում է ինձ: Ես անհամբերությամբ սպասում եմ այդ մարտահրավերին և ցանկանում եմ անպայման վերադարձնել Չեմպիոնական գոտիները»,- ասել է Կլիչկոն:
Ֆյուրի-Կլիչկո ռևանշը կկայանա հուլիսի 9-ին, Մանչեսթերում:
Պատրաստեց Անի Գաբուզյանը
