Ադրբեջանը խախտել է պատերազմ վարելու կանոնները
ԼՂՀ մարդու իրավունքների պաշտպան Յուրի Հայրապետյանի խոսքով՝ Ադրբեջանն ապրիլի սկզբի ագրեսիայի օրերին խախտել է պատերազմ վարելու կանոնները, որոնք սահմանված են Ժնեւյան կոնվենցիաներով: Այս օրերին Մարդու իրավունքների պաշտպանի գրասենյակի աշխատակիցները հանդիպում են ռազմագործողության ընթացքում տուժած քաղաքացիների հետ, արձանագրում նրանց պատմածը: Որ միջազգային համապատասխան ատյաններում Ադրբեջանի` պետական մակարդակով իրականացրած վայրագությունների մասին պիտի տեղեկացվեն ու պետական մակարդակով գործընթաց պիտի սկսվի, ԼՂՀ մարդու իրավունքերի պաշտպանը չի կասկածում:
