Հունական Սամոս կղզու մոտ ներգաղթյալներին տեղափոխող նավ է խորտակվել
Հույն սահմանապահները հայտնել են, որ Սամոս կղզու մոտակայքում ներգաղթյալներին տեղափոխող նավ է խորտակվել, ինչի հետևանքով զոհվել է 4 կին ու երեխա, հայտնում է BBC-ն:
Դա տեղի է ունեցել մի քանի օր այն բանից հետո, երբ սկսվեց Եվրոպա ներգաղթյալների հոսքը կասեցնելու լայնամասշտաբ օպերացիան:
Երկուշաբթի օրը, համաձայն ԵՄ-ի և Թուրքիայի միջև կնքված համաձայնագրերի,
Հունաստանից Թուրքիա են արտահանձնվել առաջին 200 ներգաղթյալները: Եվս 120 մարդ հետ է ուղարկվել Թուրքիա երեկ:
Հունական իշխանությունների հաղորդմամբ՝ ներգաղթյալների հոսքը իսկապես նվազել է, սակայն ոմանք նախկինի պես ձգտում են հասնել հունական կղզիներ:
