Ադրբեջանում Թուրքմենստանի դեսպանատունը հերքել է իր երկրի՝ Ադրբեջանին օգնելու պատրաստակամության մասին ադրբեջանական ԶԼՄ-ների ստերը
Ադրբեջանում Թուրքմենստանի դեսպանատունը հերքել է ադրբեջանական լրատվամիջոցներում երեկվանից տարածվող լուրերը ԼՂ հակամարտության վերջին իրադարձությունների վերաբերյալ Թուրքմենստանի պաշտոնական դիրքորոշման վերաբերյալ: Այս մասին հայտնում է Report.az կայքը:
Դեսպանությունից հայտնել են, որ Լեռնային Ղարաբաղի հակամարտության վերաբերյալ «սադրիչ հայտարարությունները չեն համապատասխանում իրականությանը»:
Ադրբեջանում Թուրքմենստանի դեսպանությունը պահանջել է անհապաղ հերքել ադրբեջանական լրատվամիջոցներում տարածված հաղորդագրությունները ու այսուհետ միջոցառումներ ձեռնարկել նման կարգի հրապարակումների հրատարակությունը թույլ չտալու համար:
Հիշեցնենք, որ ադրբեջանական մի շարք լրատվամիջոցներ տեղեկություններ են տարածել այն մասին, որ Թուրքմենստանի նախագահ Գուրբանգուլի Բերդիմուհամմեդովը երեկ, մեկնաբանանելով ԼՂ իրադարձությունները, նշել է, թե իբր «իր երկիրը պատրաստ է ցանկացած տեսակի օգնություն ցուցաբերել Ադրբեջանին»:
