Թբիլիսին սպասում է քաղաքապետի հրաժարականին
Արդեն մի քանի օր է, ինչ վրացական ԶԼՄ-ները տարածում են տեղեկություն, թե երկրի վարչապետ Իրակլի Ղարիբաշվիլիի հրաժարականից հետո հրաժարական է ներկայացնելու նաև Թբիլիսիի քաղաքապետ Դավիթ Նարմանիան:
Ինչպես հայտնում է «Պիրվելի ռադիոն», չնայած այն բանին, որ Նարմանիան տարածված լուրերը հերքում է, այդ որոշումը ոչ պաշտոնալես հաստատել են իշխող կոալիցիայում:
Համաձայն տեղեկությունների՝ Նարմանիայի հրաժարականի մասին որոշումն ընդունվել է մի քանի օր առաջ, սակայն ոչ պաշտոնական հայտարարությունը հետաձգվել էր Վրաստանի վարչապետի հրաժարականի պատճառով, գրում է «Գրուզիա օնլայնը»:
Նշվում է, որ Թբիլիսիի քաղաքապետի աշխատանքից իշխող կոալիցիայի անդամները դժգոհ են, իսկ կոալիցիայի դե-ֆակտո առաջնորդ Բիձինա Իվանիշվիլին արդեն վաղուց է իր դժգոհությունը հայտնում:
Հաղորդվում է, որ դժգոհության պատճառը նաև Նարմանիայի շուրջ կոռուպցիոն սկանդալներն են:
Թբիլիսիի քաղաքապետի հրաժարականի դեպքում նրա պարտականություննները կկատարի փոխքաղաքապետ Լաշա Աբաշիձեն:
