«Կադիսը» Չերիշևի գործով պաշտոնական բողոք է ներկայացրել
«Կադիսն» Իսպանիայի գավաթի խաղում «Ռեալի» ֆուտբոլիստ Դենիս Չերիշևի անօրինական մասնակցության կապակցությամբ պաշտնական բողոք է ներկայացրել Իսպանիայի ֆուտբոլի ֆեդերացիայի կարգապահական կոմիտեին:
«Ռեալն» ունի ընդամենը մի քանի ժամ, որպեսզի փաստարկներ ներկայացնի իր պաշտպանության համար:
«Կադիսի» պաշտոնական հայտարարության մեջ ասվում է հետևյալը.
«Ակումբն Իսպանիայի գավաթի խաղում «Ռեալի» ֆուտբոլիստ Դենիս Չերիշևի անօրինական մասնակցության կապակցությամբ գրավոր բողոք է ուղարկել կարգապահական կոմիտե: Մենք արդեն կոմիտեից պատասխան ստացել ենք առ այն, որ բողոքն ընդունվել է քննարկման, և, որ «Ռեալին» ժամանակ է տրվել, որպեսզի պատասխանի «Կադիսի» պահանջներին: Ակումբի ղեկավարությունը հարգում է «Ռեալին» և նրա երկրպագուներին, ուստի մինչև պաշտոնական որոշման կայացումը չի մեկնաբանի իրավիճակը»:
Պատրաստեց Անի Գաբուզյանը
