Թուրքիան իրավունք ունի պաշտպանել իր օդային տարածքը. Դավութօղլու
Թուրքիան իրավունք ունի պատասխան ռեակցիայի այն դեպքում, եթե խախտվի իր օդային տարածքը, որն իրականացվել է՝ անտեսելով բազմաթիվ նախազգուշացումները, հայտարարել է Թուրքիայի վարչապետ Ահմեդ Դավութօղլուն այն բանից հետո, երբ հայտնի է դարձել, որ թուրքական կործանիչը խոցել է ռուսական «Սու-24» ինքնաթիռը: Այս մասին հայտնում է Reuters-ը:
«Յուրաքանչյուր ոք պետք է իմանա, որ մեր միջազգային իրավունքն ու ազգային պարտականությունն այն է, որ ձեռնարկվի ցանկացած միջոցառում ցանկացածի դեմ, ով կխախտի մեր օդային կամ ցամաքային սահմանները»,-Դավութօղլուի խոսքերը մեջբերում է Associated Press-ը:
