Ի՞նչ են ցույց տալիս սահմանադրական փոփոխությունների մասին բնակչության շրջանում անցկացված հարցումները

Հասարակական հետազոտություններով զբաղվող «APR Group» հ/կ-ի փորձագետներն այսօրվա ասուլիսին ներկայացրին սահմանադրական բարեփոխումների մասին կատարված վերջին հարցումները:  «APR Group» հ/կ-ի սոցիոլոգ Լիանա Բալյանը  նախ ներկայացրեց հարցման մեթոդաբանությունը. «1300 մարդ է մասնակցել հարցմանը, փորձել ենք պարզել բնակչության վերաբերմունքը սահմանադրական փոփոխությունների նկատմամբ, տեղյա՞կ են դրանից, թե՞ ոչ, և որքանո՞վ են պատրաստակամ մասնակցել հանրաքվեին: Իրականացրել ենք կիսաստանդարտացված հարցազրույցներ»:

Լ. Բալյանը նախ ներկայացրեց ընդհանուր հարցերի պատասխանները.

«Ըստ ձեզ՝ արդյոք երկիրը ճի՞շտ ուղով է զարգանում, թե՞ սխալ.

Միանգամայն ճիշտ- 2.7% (ճանապարհաշինություն, ենթակառուցվածքներ և այլն, նոր տեխնոլոգիաների զարգացում, առողջապահության ու կրթության ոլորտում առաջընթաց, տնտեսական աճ և այլն)

Հիմնականում ճիշտ- 13.7%

Հիմնականում սխալ- 29.9%

Միանգամայն սխալ- 42.9% (Օլիգարխիկ համակարգ, կոռուպցիա, վատ տնտեություն, ժողովրդավարության պակաս, ղարաբաղյան կոնֆլիկտ-13.4%, ներքաղաքական լարվածություն)

Ինչպե՞ս եք տեսնում երկրի ապագան.

Գնալով իրավիճակն ավելի լավանում է- 7%

Ոչինչ չի փոխվում- 22%

Գնալով իրավիճակը վատանում է- 71%(Առաջարկներ՝ 39.8%՝ իշխանափոխություն, 22.5%` օրենքների միատեսակ կիրառության ապահովում, 13.9%՝ կառավարման համակարգի փոփոխություն, 11.8%` սահմանադրության և օրենքների փոփոխություն)»:

Սահմանադրության վերաբերյալ.

«Գիտե՞ք, որ կատարվում են փոփոխություններ գործող Սահմանադրության մեջ:

Այո- 83.3% (Դրական գնահատել են՝ 23.7%,  39.9%-ը՝ բացասական, 19.7%-ը՝ դժվարացել է պատասխանել)

Ոչ-16.7%

Որտեղի՞ց եք տեղեկացել այդ մասին:

Հիմնականում պատասխանել են՝ հեռուստատեսություն:

Որքանո՞վ եք վստահում նախատեսված սահմանադրական փոփոխությունների գործընթացին:

Լիովին վստահում եմ- 5.6%

Ավելի շուտ վստահում եմ- 20.7%

Ավելի շուտ չեմ վստահում- 26.2%

Բոլորովին չեմ վստահում- 47%

Կա՞ արդյոք անհրաժեշտություն փոխելու գործող Սահմանադրությունը:

Այո- 37.4%

Ոչ- 39.5%

Դժվարանում եմ պատասխանել- 23.5%

Որքանո՞վ եք ծանոթ գործող Սահմանադրության դրույթներին:

Ամբողջությամբ ծանոթ եմ- 4%

Ավելի շուտ ծանոթ եմ- 28 %

Ավելի շուտ ծանոթ չեմ- 24.1%

Բոլորովին ծանոթ չեմ- 44.3%

Նորի դրույթներին նույնպես` «բոլորովին  ծանոթ չեմ»-ը կազմում է մեծ տոկոս՝ 55.5,

28.7`«ավելի շուտ ծանոթ չեմ»:

Հ/կ-ի փորձագետ Հերիքնազ Տիգրանյանը ներկայացրեց մարդու իրավունքներին վերաբերող հարցերը.

«Ի՞նչ եք կարծում, մեր երկրում մարդու իրավունքները պաշտպանվա՞ծ են:

Պաշտպանված չեն-  73.9%

Պաշտպանված են- 20.1%

Դժվարանում եմ պատասխանել-5.9%:

Որպես պատճառ նշել են` օրենքները չեն կիրառվում, իշխանությունները չեն հարգում այդ իրավունքները, պատճառը մարդիկ են, քանի որ տեր չեն կանգնում իրենց իրավունքներին, պատճառը պետական կառավարման համակարգն է, դատարաններ, Ոստիկանություն և վերջում՝ գործող Սահմանադրություն:

Սահմանադրական փոփոխության դեպքում մարդու իրավունքները որքանո՞վ ավելի պաշտպանված կլինեն:

Ոչինչ չի փոխվի- 47.9% (Մարդու իրավունքների մասին Սահմանադրություն գրված դրույթները չեն կիրառվում, նախագծով առաջադրված դրույթները, որոնք ուղղված են մարդու իրավունքների պաշտպանությանը, ձևակերպման առումով հստակ չեն):

Կլինեն ավելի պաշտպանված- 20.9%

Ոչ ավելի պաշտպանված- 9.9%

Դժվարանում եմ պատասխանել- 21.2%»: