Ադրբեջանում ականի պայթյունից երեք զինծառայող է վիրավորվել
ՀՀ Տավուշի մարզին սահմանակից Ադրբեջանի Թովուզի շրջանում ականի պայթյունից վիրավորվել է ադրբեջանական զինված ուժերի 3 զինծառայող: Վիրավորներին ցույց են տվել առաջին բուժօգնություն և տեղափոխել մոտակա զինվորական բուժհաստատություն: Այս մասին հայտնում է Ադրբեջանի ՊՆ մամուլի ծառայությունը:
Զինծառայողները, ըստ Ադրբեջանի ՊՆ հաղորդագրության, վիրավորվել են «պատերազմի ժամանակվանից մնացած» ականի վրա պայթելու արդյունքում:
Վիրավորման դեպքի հետ կապված Ադրբեջանում քրեական գործ է հարուցվել:
Բացի վիրավորման այս դեպքը, հոկտեմբերին Ադրբեջանի զինված ուժերում գրանցվել է նաև երկու մահվան դեպք:
