Նույնականացման քարտերի «կեղտը» կմնա Հովհաննես Սահակյանի վրա. «Հրապարակ»
«Հրապարակ» թերթը գրում է. «Մի խումբ պատգամավորների աչքից չէր վրիպել այն, որ նույնականացման քարտերի առնչությամբ քննարկումների ընթացքում կառավարության ներկայացուցիչն այդպես էլ չներկայացավ Աժ։ Աժ կանոնակարգ-օրենքի պահանջն է, որ նման քննարկումների ժամանակ կառավարությունն իր տեսակետը ևս հայտնի։ Նախորդ ուրբաթ՝ հարցն Աժ օրակարգ մտցնելուց առաջ, պետաիրավական հարցերի մշտական հանձնաժողովում կառավարության կողմից որպես զեկուցող հանդես է եկել արդարադատության նախարար Արփինե Հովհաննիսյանը, որովհետև օրենքն իրենց իրավասության «ներքո» է։ «Կառավարությունը չթողեց նա գա, որովհետև չեն ուզում կեղտոտվի, հեռու են պահում, նույնականացման քարտերի սաղ «կեղտը» կմնա Սահակյան Հովիկի վրա»,– արձանագրում են խորհրդարանական մեր աղբյուրները»։
Ամբողջությամբ կարդացեք «Հրապարակի» այսօրվա համարում։
