Նուբարաշենում պատանին դանակահարել է համադասարանցուն
Նուբարաշենում դանակահարությամբ ավարտված վիճաբանության դեպքով հարուցված քրեական գործն ուղարկվել է դատարան:
Քրեական գործի շրջանակներում 15-ամյա պատանուն մեղադրանք է առաջադրվել այն բանի համար, որ նա Նուբարաշեն շենքերից մեկի բակում վիճաբանել է իր համադասարանցի, անչափահաս տղայի հետ, որի ընթացքում իր կրած դանակով, ապա բռունցքով դիտավորությամբ հարվածներ է հասցրել նրան և նրա առողջությանը պատճառել ծանր վնաս` կյանքին վտանգ սպառնացող:
Խափանման միջոց է ընտրվել հսկողության հանձնելը:
