Ի՞նչ դիրքորոշում ունի Եկեղեցին աշխարհի վերջի մասին

– Ավետարանում հստակ նշված է, որ աշխահի վերջի օրվա մասին ոչ ոք չգիտի: Միայն Հայրն է, որ գիտի այդ օրվա մասին (տես՝ Մատթ. 24: 36): Սա նշանակում է, որ որևէ մեկը չի կարող կանխագուշակել աշխարհի վերջին օրը: Նման խոսակցություններ միշտ շահարկում են աղանդավորները, որպեսզի մարդկանց տագնապի մեջ պահեն և մեծ թվով մարդկանց ներգարվեն իրենց շարքերը` «փրկություն» խոստանալով: Աշխարհի վերջի «ակհայտ սպառնալիքներ» կային մինչև 2000թ. տարեմուտը:

Մինչ այդ աղանդավորները, հատկապես «Եհովայի վկաները», մի քանի տարին մեկ հայտարարում էին աշխարհի վերջի մասին: Սակայն բոլոր տեսակի հայտարարությունները և կանխագուշակումները իրականությանը չեն հապամապատասխանում և մարդկանց մոլորության մեջ են գցում: Այն, որ աշխարհի վերջը լինելու է, դա ակհայտ է: Սակայն անկարող է մարդկային արարածը դա կանխատեսել, առավել ևս նշել ստույգ օրը: Այո՛, շատ նշաններ համապատասխանում են աշխահի վախճանին: Սակայն այդ նշանները վաղուց կան և այս ամենը կոչված է մարդուն սթափեցնելու, զգոն պահելու համար.

«… Եթե տանտերը գիտենար, թե որ ժամին գող կգա, կհսկեր և չէր թողնի, որ իր տունը ծակեն: Դրա համար դուք էլ պատևաստ եղեք, որովհետև այն ժամին, երբ չեք սպասում, մարդու Որդին կգա» (Մատթ. 24: 43-44), «Աևթուն կացեք, որովհետև չգիտեք  ոչ օրը ոչ էլ ժամը» (Մատթ. 25: 13): Համարեք, որ վաղն աշխահի վերջն է լինելու և ըստ այդմ ներեք այսօր բոլորին, մի նեղացրեք մարդուն, ձգտեք ողորմած լինել բոլորի նկատմամբ և ամեն օր հոգևոր որևէ կատարելություն նվաճեք, քանզի «Ահա հիմա է ընդունելի ժամանակը, ահա հիմա է փրկության օրը» (Բ  Կորնթ. 6: 2):

Օրհնությամբ` Տ. Շմավոն քահանա Ղևոնդյան
qahana.am