Անկախ դերբիի արդյունքից, Բրենդան Ռոջերսին կհեռացնեն «Լիվերպուլից»
Որպես «կարմիրների» մարզիչ «Էվերթոնի» հետ խաղը կլինի վերջինը 42-ամյա մասնագետի համար:
««Լիվերպուլի» սեփականատերերը ուղղակի սպասում են դերբիի ավարտին: Հաջորդ շաբաթ Ռոջերսը կլքի ակումբը»,- թվիթերում գրել է հեղինակավոր լրագրող Գրեմ Քելլին:
Ռոջերսը գլխավորում է «Լիվերպուլը» 2012թ. մայիսից:
2014թ. նա մերսիսայդցիներին 24 տարվա մեջ առաջին անգամ գրեթե հասցրել էր չեմպիոնության, բայց ֆինիշից 2 տուր առաջ նրա թիմը զիջեց 1-ին հորիզոնականը:
Պրեմիեր լիգայի 7-րդ տուրից հետո «Լիվերպուլը» զբաղեցնում է մրցաշարային աղյուսակի 9-րդ հորիզոնականը:
Պատրաստեց Անի Գաբուզյանը
