Անգլիայի ֆուտբոլի ասոցիացիան սպառնում է որակազրկել «Չելսիի» հարձակվող Դիեգո Կոստային 3 խաղով
Անգլիայի ֆուտբոլի ասոցիացիան ֆիքսել է կանոնների խախտումները, որոնք չէր նկատել «Չելսի» – «Արսենալ» խաղի մրցավար Մայք Դինը:
«Չելսիի» հարձակվող Դիեգո Կոստային մնացել են հաշված օրեր, որպեսզի պատասխանի FA-ի մեղադրանքներին` խաղադաշտում իր ոչ պատշաճ պահվածքի վերաբերյալ:
Անգլիայի ֆուտբոլի ասոցիացիան ուշադիր դիտել է խաղի 43-րդ րոպեն, որտեղ Դիեգո Կոստան ներգրավված էր «Արսենալի» պաշտպաններ Լորան Կոսիելնիի և Գաբրիել Պաուլիստայի նկատմամբ սադրիչ գործողությունների մեջ:
Այս խախտման համար իսպանացին կարող է որակազրկվել 3 խաղով: Սպասվում է, որ վերջնական վճիռը կկայացվի հինգշաբթի:
ԱՊԼ-ի 6-րդ տուրում «Չելսին» հաղթեց «Արսենալին» 2:0 հաշվով: Գոլերի հեղինակներ դարձան Կուրտ Զուման և Էդեն Ազարը:
Պատրաստեց Անի Գաբուզյանը
