ԴԱԻՇ-ի հետ կապեր ունենալու համար կալանավորվել է Ադրբեջանի 5 քաղաքացի
Ադրբեջանի 5 քաղաքացի է կալանավորվել Սիրիայի ու Իրաքի տարածքում մարտեր մղելու կասկածանքով, հայտնում է RIA Novosti-ն:
Ադրբեջանի ազգային անվտանգության նախարարության տվյալով՝ ձերբակալվածները 2013-2015թթ. Սիրիայի ու Իրաքի տարբեր մասերում մասնակցել են երկու պետությունների օրենսդրություններով չնախատեսված գործունեությունների, մասնակցել են զինված խմբավորումների, այդ թվում՝ ԴԱԻՇ-ի գործողություններին:
Դատարանը նրանց նկատմամբ կայացրել է կալանավորելու որոշում:
Ավելի վաղ Ադրբեջանում դատարանը 9 մարդու ԴԱԻՇ-ի կազմում ռազմական գործողություններին մասնակցելու մեղադրանքով դատապարտել էր ազատազրկման մինչև 15 տարի ժամկետով:
